១. ធ្លាប់​ធ្វើ​ឲ្យ​អូន​ធ្លាក់​ជ្រោះ​ស្នេហា
ធ្វើ​ឲ្យ​រូប​ស្រី​ឈឺផ្សា ស្រក់​ទឹក​នេត្រា​ខ្លោច​ផ្សា​ឥត​ល្ហែរ
មាន​អ្នក​ថ្មី​គេ លួង​លោម​ប្រលោម​សុំ​ស្នេហ៍
ពេល​នោះ​នួនល្អង​ជ្រើស​គេ ដើម្បី​ភ្លេច​បង ។

២. តែ​មាន​ថ្ងៃ​មួយ​បង​នឹក​ដល់​ស្ងួន
បេះដូង​ត្រូវ​ការ​នឹមនួន ទូរស័ព្ទ​ទៅ​ស្ងួន​ចង់​ប្រាប់​អត្ថន័យ
អូន​ប្រាប់​ថា បេះដូង​អូន​នៅ​អាល័យ
បើ​សិន​បង​ព្រម​វិលវៃ ចិត្ត​កាយ​ចរណៃ​ ព្រម​ចាំ​ទទួល ។

បន្ទរ. ជីវិត​ជួប​ព្រួយ បេះដូង​រញ្ជួយ​ក្នុង​ឱរ៉ា
ព្រោះ​ស្រី​រ៉ាយរ៉ាប់ អំពី​រឿង​ក្ដី​ស្នេហ៍​ថា
រូប​អូន​និង​គេ អូន​បាន​ជ្រុល​ជ្រួស​កាយា
ឮ​ហើយ​ស្ទើរ​សូន្យ​សង្ខារ អូន​ប្រាប់​ថា​នៅ​ស្នេហ៍​បាន​ទេ ?

៣. កំហុស​គ្រប់​យ៉ាង​មក​ពី​រូប​ខ្ញុំ
គ្រា​មុន​បោក​ប្រាស់​ចិត្ត​ម៉ុម ឲ្យ​អូន​យំ​ស្ទើរ​ក្ស័យ​ជីវី
តែ​សូម​អូន យល់​ដល់​បុរសម្នាក់​នេះ
កុំ​មាន​ជា​លើក​ទី​ពីរ បេះដូង​មួយ​​នេះ ស្នេហ៍​អូន​រហូត ។