១- វង់​ភក្ត្រ​ស្រស់​ស្រទន់ ល្អ​គន់​គាប់​ភ្នែក
រាង​ដូច​បបរ​ឯក​ហង្ស​ទេព​មយូរា
សក់​វែង​ខ្មៅ​រលោង​រលើប
គួរ​ចាប់​ថើប​ថ្នាក់ថ្នម​រក្សា
ផ្កា​ដួងចិត្ត។

២- បង​មិន​ដែល​ស្មាន​សោះ​ផ្កា​រុះរោយ​ក្លិន
ទោះ​បី​ក្នុង​សុបិន​មិន​ដែល​ឃ្លាត​ស្និទ្ធ
ក្ដី​សង្ឃឹម​ពេញ​ក្នុង​ឱរា
ស្រាប់​​ប្រែ​ជា​​ស្រពោន​ក្រៀម​ស្វិត
រួម​រឹត​ទុក្ខ​សោក។

បន្ទរ- ភាព​ខ្មៅ​ល្អក់​អូន​លាក់​ក្នុង​ចិត្ត
តែ​ការពិត​ឆ្មា​លាក់​ក្រចក
ទើប​ដឹង​ថា​មយូរា​ទឹកកក
ប្រហារ​ចាក់​​ទ្រូង​រៀម​ក្រៀម​ស្លោក
សោក​សៅហ្មង។

បន្ទរ- កោត​លង់​ចិត្ត​គិត​ថា​អូន​ស្មោះ
ប្រគល់​អស់​ស្នេហ៍​ពី​បេះដូង
ដល់​ពេល​នេះ​ខក​ខុស​បំណង
លង់​ចិត្ត​ស្មោះ​ក្អែក​ពាក់​ស្លាប​ហង្ស
មយូរា​ទឹកកក។